L'instrumentala
Radiotelevisiun Svizra Rumantscha (RTR)
Hören Sie sich die letzte Folge an:
L'instrumentala dad oz preschenta dus discs ch'èn cumparids l'ultim temp. «Streaming» è in disc divertent, delectant ed animant cun la Black Dyke Band e «Violet Volume 1» è in disc ch'empermetta in viadi musical per cor ed olma da la Brass Band Willebroek. La Black Dyke Band, pli baud la Black Dyke Mills Band, è ina da las pli veglias ed enconuschentas bands da brass da l'Engalterra. Ella n'è betg mo ina da las pli enconuschentas bands da brass dal mund, ma strusch ina musica po sa mesirar cun lur prestaziuns. La Black Dyke ha gudagnà 30 giadas il British Open, l'emprima giada l'onn 1862. La National Championship han els gudagnà 24 giadas e 13 èn els stads campiuns europeics. La Black Dyke Band è adina puspè sin turnea e quai en blers pajais e sin blers continents. Dapi intgins onns èn els era preschent al Swiss Open Contest a Lucerna che ha lieu quest onn per la 34avla giada. (21.09.2024) Lur concert da gala fascinescha mintg'onn. La Brass Band Willebroek da la Belgia è vegnida fundada l'onn 1979 ed ella vegn dirigida dapi la fundaziun da Frans Violet. Er la Brass Band Willebroek tutga tranter las bands las pli famusas. La band ha recaltgà in mantun titels; 2 giadas campiuns mundials, 3 giadas campiuns europeics e 22 giadas campiuns da la Belgia.
Vorherige Folgen
-
377 - Nova musica da brass Wed, 17 Apr 2024
-
376 - Concert dal Cerchel musical dalla Surselva Wed, 10 Apr 2024
-
375 - Happy birthday, Jacob de Haan Wed, 03 Apr 2024
-
374 - Melodias calmas e miaivlas Wed, 27 Mar 2024
-
373 - Primavaira Wed, 20 Mar 2024
-
372 - Musicas da giuvenils Wed, 13 Mar 2024
-
371 - Modern e cool Wed, 06 Mar 2024
-
370 - Onn da festas da musica Wed, 28 Feb 2024
-
369 - Musica militara Wed, 21 Feb 2024
-
44 - La festa chantunala da musicas da giuvenils a Lai (part 2) Tue, 28 Jun 2016